सडकमा ट्राफिक उभ्याउने अभ्यास अन्त्य गर्दै स्मार्ट सिस्टममा जानुपर्छ : सभापति गजुरेल

१५ कात्तिक, काठमाडौं । पूर्वाधार विकास समितिका सभापति आशिष गजुरेलले सडकमा ट्राफिक प्रहरी उभ्याएर सवारीसाधन व्यवस्थापन गर्ने परम्पराको अन्त्य गर्दै स्मार्ट सिस्टम लागू गर्नुपर्ने बताएका छन्।

काठमाडौं उपत्यका ट्राफिक प्रहरी कार्यालयले आइतबार राजधानीमा आयोजना गरेको सडक सुरक्षा तथा ट्राफिक व्यवस्थापनसम्बन्धी अन्तरक्रिया कार्यक्रममा बोल्दै उनले प्रविधिमा आधारित यातायात व्यवस्थापनमा जोड दिएका हुन्।