नेपालबाट झण्डै तीन करोडको रुद्राक्ष निर्यात, सबैभन्दा बढी भारतमा

काठमाडौं । चालु आर्थिक वर्ष २०८३/०८४ को पहिलो तीन महिनामा नेपालबाट झण्डै तीन करोड रुपैयाँ बराबरको रुद्राक्ष निर्यात भएको छ ।

साउनदेखि असोजसम्मको अवधिमा नेपालबाट २ करोड ९७ लाख ११ हजार रुपैयाँ बराबरको २ लाख २ हजार ९२१ किलो रुद्राक्ष विदेश निर्यात भएको हो । निर्यात भएको रुद्राक्षमध्ये सबैभन्दा ठूलो हिस्सा भारतमा गएको छ । यस अवधिमा भारततर्फ १ लाख ६६ हजार किलो रुद्राक्ष निर्यात भएको छ । त्यस्तै, चीनमा ३६ हजार ८४८ किलो रुद्राक्ष निर्यात भएको छ ।