वैदेशिक लगानी प्रतिबद्धता ५३.८ प्रतिशतले घट्यो

काठमाडौँ- चालु आर्थिक वर्ष २०८३/८४ को पहिलो त्रैमासमा नेपालमा विदेशी प्रत्यक्ष लगानी (एफडीआई) प्रतिबद्धता गत आर्थिक वर्षको सोही अवधिको तुलनामा ५३.८ प्रतिशतले घटेको छ।

उद्योग विभागका अनुसार चालु आर्थिक वर्षको साउनदेखि असोज मध्यसम्म नेपालले १६ अर्ब २३ करोड रुपैयाँ बराबरको विदेशी लगानी प्रतिबद्धता प्राप्त गरेको छ। गत आर्थिक वर्षको सोही अवधिमा यस्तो प्रतिबद्धता ३५ अर्ब १३ करोड रुपैयाँ थियो।