एनपीएल : जनकपुरविरुद्ध पोखराले टस जितेर रोज्यो फिल्डिङ

काठमाडौं । नेपाल प्रिमियर लिग (एनपीएल) को तेस्रो संस्करणअन्तर्गत आइतबारको खेलमा पोखरा एभेन्जर्सले टस जितेर पहिले फिल्डिङ गर्ने निर्णय गरेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा जनकपुर बोल्ट्सविरुद्ध पोखराले पहिले बलिङ रोजेको हो।

पहिलो संस्करणको विजेता जनकपुर र पोखरा दुवै टोली आज दोस्रो जितको खोजीमा छन्। जनकपुरले यसअघि खेलेका दुई खेलमध्ये एकमा जित र एकमा हार बेहोरेको छ। पहिलो खेलमा कर्णाली याक्ससँग १९ रनले पराजित भएको जनकपुरले दोस्रो खेलमा काठमाडौं गोर्खाजलाई आठ विकेटले हराएको थियो।