बंगलादेशमा नेपाली चिकित्सा समुदायको भेला

ढाका- बंगलादेशको राजधानी ढाकास्थित 'द फरेस्ट लाउन्ज' मा ‘नेपाली इन्टर्न्स एण्ड डक्टर्स रिसेप्सन २०२६’ सम्पन्न भएको छ।

उक्त कार्यक्रममा बंगलादेशमा चिकित्सा शिक्षा अध्ययनरत नेपाली विद्यार्थी, इन्टर्न तथा स्नातकोत्तर तहका रेजिडेन्ट चिकित्सकहरूसहित करिब १५० जना नेपाली चिकित्सकहरूको उपस्थिति रहेको थियो। समारोह मित्रता, सांस्कृतिक आदानप्रदान, व्यावसायिक सञ्जाल विस्तार र आपसी एकताको सन्देश बोकेको विशेष अवसरका रूपमा सम्पन्न भएको हो।