नेपालमा ISO/IEC 27001:2022 प्रमाणपत्र पाउने एकमात्र एचआरएमएस कम्पनी बन्यो RigoHR

काठमाडौं । नेपालमा मानव संसाधन व्यवस्थापन (एचआरएमएस) तथा पेरोलसम्बन्धी सफ्टवेयर सेवा प्रदान गर्दै आएको RigoHR ले अन्तर्राष्ट्रिय सूचना सुरक्षा मापदण्ड ISO/IEC 27001:2022 प्रमाणपत्र प्राप्त गरेको छ । यो प्रमाणपत्र प्राप्त गरेसँगै RigoHR नेपालमा उक्त अन्तर्राष्ट्रिय मापदण्डअनुसार प्रमाणित हुने एकमात्र एचआरएमएस कम्पनी बनेको छ ।

काठमाडौंमा आधारित RigoHR ले स्वतन्त्र निकायबाट गरिएको अडिटपछि उक्त प्रमाणपत्र प्राप्त गरेको हो । यसले कम्पनीले ग्राहक तथा कर्मचारीका संवेदनशील विवरण र व्यावसायिक तथ्यांकको सुरक्षा गर्न अन्तर्राष्ट्रिय रूपमा मान्यता प्राप्त मापदण्ड पालना गरेको पुष्टि गर्छ ।