इलाम अस्पतालले भन्यो : डा. गोविन्द केसीको स्वास्थ्य अवस्था जोखिमपूर्ण तहमा

१५ कात्तिक, इलाम । जिल्ला अस्पताल इलामले डाक्टर गोविन्द केसीको स्वास्थ्य अवस्था ‘लाइफ थ्रेटनिङ’ तहको बताएको छ। आज अस्पतालको सभा कक्षमा पत्रकार सम्मेलन गरेर अस्पतालका मेडिकल सुपरिटेन्डेन्ट अमिताभ ठाकुरले डा. केसीको स्वास्थ्य अवस्था जोखिमपूर्ण तहमा रहेको बताएका हुन्।

चिकित्सा शिक्षा र स्वास्थ्य क्षेत्रमा सुधारको माग राख्दै ४ दिनदेखि इलाममा अनशनरत प्रा.डा. केसी स्वास्थ्यमा गम्भीर जटिलता देखिएपछि इलाम अस्पतालमा शनिबार भर्ना गरिएको थियो।