मकवानपुरका अध्यक्षसँग राप्रपाले माग्यो स्पष्टीकरण

काठमाडौँ। राष्ट्रिय प्रजातन्त्र पार्टी(राप्रपा)को केन्द्रीय अनुशासन समितिले पार्टीबाट निलम्बनमा परेका बागमती प्रदेशका तीन मन्त्री तथा संसदीय दलका नेता उद्धव थापालाई पार्टीको कार्यक्रममा सहभागी गराएको विषयमा राप्रपा मकवानपुरका अध्यक्ष ऋषिलाल श्रेष्ठसँग स्पष्टीकरण मागेको छ।

श्रेष्ठले आफ्नो अध्यक्षतामा निलम्बित सांसदहरूलाई अतिथि बनाइ स्वागत तथा सम्मान कार्यक्रम गरेका थिए । पार्टीले निलम्बन गरेका व्यक्तिहरूलाई बोलाएर स्वागत तथा सम्मान कार्यक्रम आयोजना गर्नुका साथै विभिन्न आयोजनाको निरीक्षणका नाममा आयोजनास्थलसम्म लैजाने कार्यलाई पार्टीको अनुशासन समितिले गम्भीरतापूर्वक लिएको छ।