चिनियाँ कम्युनिस्ट पार्टीले अधिकारीहरूमाथि निगरानी बढाउने

चिनियाँ कम्युनिस्ट पार्टी (सीसीपी) ले आफ्ना अधिकारीहरूको सम्पत्ति र अनलाइन गतिविधिमाथि कडा निगरानी बढाउने तयारी गरेको छ । आइतबार सार्वजनिक भएको एक पार्टी दस्तावेजमा आफ्ना अधिकारीहरूको सम्पत्ति र अनलाइन गतिविधिमाथि निगरानी बढाउने खाका प्रस्तुत छ ।

सीसीपीको शक्तिशाली केन्द्रीय समितिको यो दस्तावेज सिन्ह्वा न्यूज एजेन्सीद्वारा प्रकाशित भएको हो । यो बेइजिङमा यस साता सम्पन्न पार्टीको वार्षिक पूर्ण बैठकपछि आएको हो जसले शासन व्यवस्था र भ्रष्टाचार नियन्त्रणमा जोड दिएको थियो ।