एसियाली राजमार्ग निर्माणका अवरोध हटाउन प्रशासनको पहल

काठमाडौँ। पूर्वपश्चिम राजमार्गअन्तर्गत एसियाली राजमार्गका रूपमा स्तरोन्नति भइरहेको काँकरभिट्टा–लौकही सडक निर्माणमा देखिएका अवरोध समाधान गर्न स्थानीय प्रशासनले सक्रियता देखाएको छ।

स्थानीयको माग, निर्माण सामग्रीको अभाव र विद्युत् पोल स्थानान्तरणमा देखिएको समस्याले काम प्रभावित भएपछि जिल्ला प्रशासन कार्यालय झापाका प्रमुख जिल्ला अधिकारी श्रवणकुमार पोखरेलले आयोजनाका प्रतिनिधिसहित निर्माणाधीन सडकखण्डको स्थलगत निरीक्षण गरेका छन्।