गृहमन्त्रीको राजीनामा माग्दै गोरखामा प्रदर्शन भएको समाचार भ्रामक : जिल्ला प्रशासन

गृहमन्त्री सुधन गुरुङको राजीनामा माग्दै गोरखा सदरमुकाममा प्रदर्शन भएको भन्ने विषयमा सामाजिक सञ्जालमार्फत प्रकाशित तथा प्रसारित समाचारप्रति जिल्ला प्रशासन कार्यालय गोरखाले गम्भीर ध्यानाकर्षण भएको जनाएको छ।

जिल्ला प्रशासन कार्यालय गोरखाले कात्तिक १४ र १५ गते गृहमन्त्री गुरुङको दुई दिने जिल्ला भ्रमणलाई लक्षित गरी ‘माननीय गृहमन्त्री सुधन गुरुङको राजीनामा माग्दै गोरखा सदरमुकाममा प्रदर्शन’ जस्ता विषय र जिल्लामा हुँदै नभएको, नदेखिएको अवास्तविक भिडियो फुटेजसमेत राखेर विभिन्न व्यक्ति तथा सामाजिक सञ्जालमार्फत प्रकाशित र प्रसारित समाचार टिप्पणीप्रति गम्भीर ध्यानाकर्षण भएको जनाएको हो।