राप्ती नदीको दिगो व्यवस्थापनका लागि वैज्ञानिक अध्ययन र गुरुयोजना निर्माण हुँदै

काठमाडौं – देउखुरी उपत्यका तथा आसपासका क्षेत्रमा राप्ती नदीको दिगो व्यवस्थापनका लागि वैज्ञानिक अध्ययन र गुरुयोजना निर्माणको काम अघि बढाइएको छ । लमहीस्थित सिँचाइ तथा जलस्रोत व्यवस्थापन आयोजनाले नदीको बहाव क्षेत्र निर्धारण, बाढी जोखिम न्यूनीकरण र जलवायुमैत्री पूर्वाधार निर्माणलाई लक्षित गर्दै अध्ययन सुरु गरेको हो ।

पश्चिम राप्ती नदीको जलाधार क्षेत्रमा भू–उपयोगमा आएको परिवर्तन, विश्वव्यापी तापक्रम वृद्धि तथा जलवायु परिवर्तनका कारण नदीको बहावमा परेको असरलाई ध्यानमा राखेर अध्ययन अघि बढाइएको आयोजनाले जनाएको छ । नदीको प्राकृतिक बहाव र जोखिमको वैज्ञानिक विश्लेषण गरी भविष्यमा निर्माण हुने संरचनालाई दिगो बनाउने यसको उद्देश्य छ ।