साउदीको आभा सहरमा आपत्‌कालीन ‘अलर्ट’, तुरुन्तै सुरक्षित स्थान सर्न सुझाव

काठमाडौं । साउदी अरबको आभा सहरमा सम्भावित खतरालाई ध्यानमा राख्दै आइतबार राष्ट्रिय आपत्‌कालीन चेतावनी जारी गरिएको छ। बीबीसी उर्दुका अनुसार प्रशासनले मानिसहरूलाई शान्त रहन र सावधानी अपनाउन भनेको छ।

साउदीको नागरिक रक्षा विभागले जारी गरेको निर्देशिकामा मानिसहरूलाई तुरुन्तै सुरक्षित स्थान वा घरभित्र झ्याल नभएको कोठामा सर्न भनिएको छ। अनि जरुरी कामबिना घरबाट बाहिर ननिस्कन र खतरा नहटेसम्म खुला ठाउँ, झ्याल, बाल्कोनी र छानाबाट टाढा रहन सल्लाह दिइएको छ।