सरकारले माग्यो रेल चालकका लागि आवेदन, के चाहिन्छ योग्यता ?

काठमाडौं । नेपाल रेल्वे बोर्डले रेल चालक (लोकोपाइलट) पदका लागि योग्य नेपाली नागरिकबाट आवेदन माग गरेको छ । बोर्डको केन्द्रीय कार्यालयले सोमबार सूचना जारी गर्दै इच्छुक उम्मेदवारलाई आगामी मङ्सिर २१ गतेभित्र दरखास्त बुझाउन आग्रह गरेको हो ।

नेपालमा रेल सेवा सञ्चालनका लागि नेपाली नागरिकलाई नै चालकका रूपमा सूचीकृत गरी परिचालन गर्ने उद्देश्यले आवेदन खुलाइएको बोर्डले जनाएको छ । यसका लागि दक्ष, योग्य, इमानदार र जिम्मेवार चालक आवश्यक रहेको सूचनामा उल्लेख छ ।