आधुनिकताको प्रभावले हराउँदै ढिकी–जाँतो

म्याग्दी ।

हिमाली जिल्ला म्याग्दीका गाउँघरमा कुनै समय दैनिक जनजीवनसँग प्रत्यक्ष रुपमा जोडिएका ढिकी, जाँतो, पानीघट्ट, कोल र ओखलजस्ता परम्परागत प्रविधिहरु लोप हुने अवस्थामा पुगेका छन् । पछिल्लो समय आधुनिक प्रविधिको बढ्दो प्रयोग र संरक्षणको अभावमा पुर्खाले आफ्नो सीप, श्रम र मेहनतबाट निर्माण गरेका यी साधनहरुको अस्तित्व सङ्कटमा पर्दै जान थालेको हो ।