मधेस प्रदेश सरकार गठनबारे दलहरूबीच सघन छलफल भइरहेको छ : प्रचण्ड

काठमाडौं – नेपाली कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्ड’ले मधेस प्रदेश सरकार गठनका विषयमा विभिन्न राजनीतिक दलबीच सघन छलफल भइरहेको बताएका छन् । सरकार गठनका लागि विभिन्न विकल्प खुला राखेर संवाद अघि बढाइएको उनको भनाइ छ ।

पार्टीको राष्ट्रिय जागरण अभियानअन्तर्गत मधेस प्रदेशस्तरीय अभिमुखीकरण कार्यक्रममा सहभागी हुन बर्दिबास पुगेका प्रचण्डले सञ्चारकर्मीसँग कुरा गर्दै मधेस प्रदेश सरकारको स्थायित्वका लागि लोकतान्त्रिक गणतन्त्र पक्षधर दलहरूबीच सहकार्य र समन्वयको प्रयास भइरहेको बताए ।