न्यायाधीशमाथि महाभियोगको विषयमा कांग्रेसले रास्वपाको कदम पर्खने

नेपाली कांग्रेस संसदीय दलले सर्वोच्च अदालतका न्यायाधीशमाथि सत्तारूढ दल राष्ट्रिय स्वतन्त्र पार्टी (रास्वपा)ले महाभियोग लगाउने तयारी गरेको विषयमा तत्काल धारणा नबनाउने भएको छ ।

सोमबार सिंहदरबारस्थित संसदीय दलको कार्यालयमा बसेको बैठकपछि सञ्चारकर्मीसँग कुरा गर्दै कांग्रेस संसदीय दलका नेता भीष्मराज आङ्देम्बेले महाभियोगको विषयमा रास्वपाले चाल्ने कदम र सार्वजनिक गर्ने धारणालाई आफूहरूले पर्खिरहेको बताए ।