बालविवाहविरुद्ध जुम्लाको अभियान : २३ वडा बालविवाहमुक्त

जुम्लाको कनकासुन्दरी गाउँपालिका-६ की पार्वती सार्कीले आफ्नो बाल्यकाल सम्झिँदा अहिले पनि मन भारी हुन्छ। कक्षा ८ मा अध्ययनरत रहँदै १८ वर्षको उमेरमा उनको मागी विवाह भयो।

विद्यालयको कक्षा, साथीभाइ र सपनाभन्दा पहिले उनको काँधमा घर व्यवहार, सन्तान र परिवारको जिम्मेवारी आइपुग्यो। ‘विवाह भनेको के हो, जिम्मेवारी कति ठूलो हुन्छ भन्ने बुझ्ने उमेर नै भएको थिएन,’ पार्वती भन्छिन्, ‘पढाइ अधुरै रह्यो, स्वास्थ्य बिग्रियो, जीवनका धेरै अवसरहरू गुमे।’