कच्चा तेलको मूल्य ३ प्रतिशतभन्दा बढीले घट्यो

काठमाडौं– अमेरिका र इरानबीच अप्रत्यक्ष वार्तामा प्रगति हुने आशा बढेसँगै अन्तर्राष्ट्रिय बजारमा कच्चा तेलको मूल्य ३ प्रतिशतभन्दा बढीले घटेको छ। समाचार संस्था रोयटर्सका अनुसार कूटनीतिक पहल अघि बढ्ने सम्भावनाले तेलको मूल्यमा गिरावट आएको हो।

आज ब्रेन्ट क्रुडको मूल्य प्रतिब्यारेल ३.६८ डलर अर्थात् ३.२ प्रतिशतले घटेर १०९.७५ डलरमा झरेको छ । त्यस्तै अमेरिकी वेस्ट टेक्सास इन्टरमिडिएट (डब्ल्यूटीआई) क्रुडको मूल्य ३.४३ डलर अर्थात् ३.३ प्रतिशतले घटेर प्रतिब्यारेल १००.६९ डलर कायम भएको छ ।