केएमसीमा मस्तिष्कको ९० प्रतिशत साँघुरिएको नसा बिना चिरफार खुलाइयो

काठमाडौं- मस्तिष्कको मुख्य रक्तनलीमध्ये एउटा नसा करिब ९० प्रतिशत साँघुरिएर मस्तिष्कघातको जोखिममा रहेकी रुपन्देहीकी एक महिलाको काठमाडौं मेडिकल कलेज (केएमसी) मा बिना ठूलो चिरफार सफल उपचार गरिएको छ।

रुपन्देहीको सैनामैना नगरपालिका–७ की हेमकुमारी थापाको मस्तिष्कको साँघुरिएको रक्तनलीमा बेलुन एन्जियोप्लास्टी र स्टेन्ट प्रत्यारोपण गरी रक्तप्रवाह सहज बनाइएको हो। उपचारपछि स्वास्थ्यमा उल्लेखनीय सुधार आएपछि उनलाई दुई दिनको अस्पताल बसाइपछि डिस्चार्ज गरिएको अस्पतालले जनाएको छ।