२५औँ सत्याग्रहमा बसेका डा. केसीको स्वास्थ्यमा समस्या, काठमाडौँमा उपचार हुँदै (तस्बिरहरू)

काठमाडौँ – चिकित्सा शिक्षा सुधारका अभियन्ता प्रा. डा. गोविन्द केसीलाई स्वास्थ्यमा जटिलता देखिएपछि आज बिहान १०:३० बजे नेपाली सेनाको हेलिकोप्टरमार्फत इलामबाट काठमाडौं ल्याइएको छ । उनको अहिले महाराजगञ्जस्थित त्रिवि शिक्षण अस्पतालमा उपचार भइरहेको छ।

डा. केसीको स्वास्थ्य अवस्था बिग्रँदै गएको बताउँदै उनका सहयोगी पवन थापाले सरकारले यथाशीघ्र वार्ता गरी माग सम्बोधन गर्नुपर्ने बताएका छन्।