इरान युद्धको असर: घट्यो र्‍यानएयरको नाफा

काठमाडौं– आयरल्यान्डको कम लागतमा हवाई सेवा प्रदान गर्ने एयरलाइन्स कम्पनी र्‍यानएयरले दोस्रो त्रैमासिकमा खुद नाफा ६ प्रतिशतले घटेको जनाएको छ। इन्धनको मूल्य बढ्नु र अमेरिका–इजरायल तथा इरानबीचको युद्धका कारण हवाई टिकटको मूल्य प्रभावित हुनुले नाफा घटेको कम्पनीले जनाएको हो।

र्‍यानएयरले सार्वजनिक गरेको विवरणअनुसार सेप्टेम्बरको अन्त्यसम्मको तीन महिनामा कम्पनीको करपछिको नाफा १ अर्ब ६१ करोड युरो (१ अर्ब ८० करोड अमेरिकी डलर) मा झरेको छ। अघिल्लो वर्षको सोही अवधिमा कम्पनीको नाफा १ अर्ब ७२ करोड युरो थियो।