राप्ती विकास बचत तथा ऋण सहकारीको अध्यक्षमा कुलराज चौधरी

घोराही- दाङ घोराहीमा अवस्थित राप्ती विकास बचत तथा ऋण सहकारी संस्था लिमिटेडको २० औं साधारणसभा तथा सातौं अधिवेशन शनिबार सम्पन्न भएको छ । उक्त अधिवेशनले कुलराज चौधरीको नेतृत्वमा नयाँ कार्यसमिति चयन गरेको छ ।

सो अधिवेशनले सर्वसम्मरुपमा चौधरीको नेतृत्वमा नौ सदस्यीय कार्यसमिति चयन गरेको छ । संस्थाको उपाध्यक्षमा बेसरा पाण्डे, सचिवमा यज्ञबहादुर खत्री, कोषाध्यक्षमा तिलक पाण्डे चयन भएका छन् भने सदस्यहरुमा यामबहादुर रैदास, विष्णुबहादुर अधिकारी, कन्हैयालाल चौधरी, गेहेन्द्रराज अधिकारी र सुमित्रा योगी चयन भएका छन् ।