काठमाडौं फिल्म फेस्टिभलको पहिलो संस्करण सम्पन्न

काठमाडौं महानगरपालिकाले पहिलोपटक आयोजना गरेको 'काठमाडौं फिल्म फेस्टिभल' शनिबार बौद्धस्थित तारागाउँ नेक्स्टको एम्फिथिएटरमा समापन भएको छ।

कार्तिक १३ गते वसन्तपुरबाट सम्पदा यात्रासहित सुरू भएको तीनदिने फेस्टिभलमा पुराना नेपाली चलचित्र 'के घर के डेरा' र 'कुमारी' सहित सर्ट भिडिओ, नेपाली पानोरामा र अन्तर्राष्ट्रिय पानोरामाका ४० चलचित्र प्रदर्शन गरिएको थियो।