हिट फिल्मका फ्लप सिक्वेल, बक्स अफिसमा कसको कमाइ कति ?

काठमाडौं : दशैंको छेको पारेर तीन फिल्म ‘१२ गाउँ २’,‘आ बाट आमा२’ र ‘छ माया छपक्कै२’ प्रदर्शनमा आए। असोज ३० गतेबाट ‘१२ गाउँ २’ र ‘आ बाट आमा२’ प्रदर्शनमा आएका थिए भने त्यसको भोलीपल्ट ‘छ माया छपक्कै२’ प्रदर्शनमा आएको थियो।

तीन वटै फिल्ममध्ये चन्द्र पन्त निर्देशित फिल्म ‘आ बाट आमा२’को व्यापार राम्रो देखिएको छ। सोमबार चलचित्र विकास बोर्डले सार्वजनिक गरेको बक्स अफिस रिपोर्टअनुसार फिल्मले छ करोड २४ लाख ७० हजारको व्यापार गर्दै निर्माताको लगानी सुरक्षित गरेको छ। यसको अघिल्लोको भाग ‘आ बाट आमा’ले भने बक्स अफिसमा १३ करोडमाथिको व्यापार गरेको थियो।