स्टार ओपनर डेभिड वार्नरलाई सोमपालले गरे १६ रनमै बोल्ड

नेपाल प्रिमियर लिग (एनपीएल) अन्तर्गत जारी खेलमा कर्णाली याक्सले दिएको १ सय ८१ रनको बलियो लक्ष्य पछ्याइरहेको काठमाडौं गोर्खाजले पहिलो विकेटको रूपमा स्टार ओपनर डेभिड वार्नरलाई गुमाएको छ।

विस्फोटक सुरुवात गर्ने संकेत देखाएका वार्नरलाई कर्णाली याक्सका कप्तान सोमपाल कामीले दोस्रो ओभरको अन्तिम बलमा बोल्ड आउट गरेका हुन्। वर्नरले १० बल खेल्दै ३ चौकाको मद्दतमा १६ रन बनाए। उनी आउट हुँदा काठमाडौंले १.६ ओभरमा १८ रन जोडेको थियो।