मलाई विदेशी खेलाडीले म्याच जिताउँछन् भन्ने लाग्दैन : करण केसी

काठमाडौं : नेपाल प्रिमियर लिग (एनपिएल) क्रिकेटमा सोमबार काठमाडौं गोर्खाजले कर्णाली याक्सलाई ४ विकेटले पराजित गर्दै प्रतियोगितामा पहिलो जित दर्ता गर्यो। कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा कर्णालीले प्रस्तुत गरेको १८१ रनको बलियो लक्ष्य काठमाडौंले १९.४ ओभरमा ६ विकेट गुमाएर पूरा गर्यो।

रोमाञ्चक जितपछि आयोजित पत्रकार सम्मेलनमा काठमाडौं गोर्खाजका कप्तान करण केसीले विदेशी खेलाडीको भरमा मात्र खेल जित्न नसकिने धारणा राखे। टोलीका विदेशी खेलाडी डेभिड वार्नर आउट भएपछि खेल चेज गर्न सकिन्छ कि सकिँदैन भन्ने संशयबारे सोधिएको प्रश्नमा केसीले घरेलु खेलाडीहरूको भूमिका निर्णायक रहेको बताए।