अमेरिकाले १५० भन्दा बढी अफगान नागरिकलाई निर्वासन गर्ने तयारी गरेपछि तालिबानको चिन्ता

काठमाडौँ – अमेरिकाले १५० भन्दा बढी अफगान नागरिकलाई पाकिस्तान हुँदै अफगानिस्तान निर्वासन गर्ने तयारी गरेको खबर सार्वजनिक भएपछि तालिवान अधिकारीहरूले गम्भीर चिन्ता व्यक्त गरेका छन् ।

अफगानिस्तानको विदेश मन्त्रालयका प्रवक्ता अब्दुल कहार बाल्खीले सोमबार विज्ञप्ति जारी गर्दै अमेरिकी योजनाप्रति चिन्ता व्यक्त गरेका हुन् । उनका अनुसार अमेरिकाले पाकिस्तानमा कानुनी बसोबासका कागजात प्राप्त गर्न नसकेका केही अफगान शरणार्थीलाई निर्वासन गर्न खोजेको रिपोर्ट सार्वजनिक भएको छ ।