भक्तपुरको मध्यपुर थिमी नगरपालिकामा अख्तियारको छापा

काठमाडौँ। भक्तपुरको मध्यपुर थिमी नगरपालिकामा अख्तियारले छापा मारेको छ । घुस लेनदेन भइरहेको सूचनाको आधारमा सोमबार अख्तियारले नगरपालिकाको कार्यालयमा छापा मारेको हो ।

अख्तियार दुरुपयोग अनुसन्धान आयोगका प्रवक्ता सुरेश न्यौपानेले नगरपालिकाको कार्यालयमा छापा मारेको पुष्टि गरे । उनले भने, ‘केही नगद र कर्मचारीलाई पनि नियन्त्रणमा लिएका छौँ ।’