इमरान खानलाई भारत छाड्ने नोटिसमा रोक, अदालतमा मागे बिनासर्त माफी

बलिउड अभिनेता तथा आमिर खानका भान्जा इमरान खानलाई भारत छाड्न जारी गरिएको नोटिसको कार्यान्वयनमा बम्बई उच्च अदालतले रोक लगाएको छ। अदालतले नोभेम्बर २ सम्मका लागि दिएको अन्तरिम रोकलाई निरन्तरता दिँदै अर्को सुनुवाइ डिसेम्बर ७ मा गर्ने मिति तोकेको छ।

मुम्बई प्रहरीले अक्टोबर २८ भित्र भारत छाड्न भन्दै नोटिस जारी गरेपछि इमरानले त्यसलाई चुनौती दिँदै बम्बई उच्च अदालतमा रिट निवेदन दिएका थिए। अक्टोबर २७ मा निवेदनमाथि सुनुवाइ गर्दै अदालतले नोटिस कार्यान्वयन तत्कालका लागि स्थगित गरेको थियो।