मध्यपूर्व महाशक्तिहरूको युद्धमैदान बन्नु हुँदैन: राष्ट्रपति सी

चीनका राष्ट्रपति सी जिनपिङले मध्यपूर्व र खाडी क्षेत्र शक्तिशाली राष्ट्रहरूबिचको प्रतिस्पर्धाको युद्धमैदान बन्न नहुने बताएका छन्।

सोमबार बेइजिङमा ओमानका सुल्तान हैथम बिन तारिक अल सईदसँग भएको भेटवार्तामा सीले यस्तो बताएका हुन्। उनले विश्वमा अहिले ठुलो परिवर्तन भइरहेको उल्लेख गर्दै मध्यपूर्वमा शान्ति र स्थिरता कायम गर्न सबै पक्ष मिलेर काम गर्नुपर्ने बताए। चीन पनि यस क्षेत्रमा शान्ति कायम गर्न अरब राष्ट्रहरूसँग मिलेर काम गर्न तयार रहेको उनको भनाइ थियो।