डा.केसीको १४ वर्षमा २५औँ अनशन, सम्झौता कार्यान्वयनमै प्रश्न

काठमाडौं ।

चिकित्सा शिक्षा र स्वास्थ्य सेवामा सुधार, सर्वसाधारणको सहज पहुँच तथा स्वास्थ्य शिक्षालाई व्यापारिक स्वार्थबाट मुक्त गर्नुपर्ने माग राख्दै प्रा. डा. गोविन्द केसीले सुरु गर्नुभएको सत्याग्रह १४ वर्षमा २५औँ पटक पुगेको छ । सरकारसँग पटक–पटक सम्झौता हुने, माग सम्बोधन गर्ने प्रतिबद्धता व्यक्त गरिने र अनशन अन्त्य हुने क्रम दोहोरिए पनि सहमतिका विषय पूर्ण रूपमा कार्यान्वयन नभएको भन्दै उहाँ पुनः २५औं पटक आमरण अनशनमा बस्नुभएको हो । स्वास्थ्य अवस्था गम्भीर बनेपछि सोमबार उहाँलाई इलामबाट हेलिकप्टरमार्फत काठमाडौं ल्याएर त्रिवि शिक्षण अस्पतालमा भर्ना गरिएको छ ।