रेमिट्यान्स खर्च नहुँदा निक्षेप-जीडीपी अनुपात १२९ प्रतिशत

१६ कात्तिक, काठमाडौं । वित्तीय प्रणालीको निक्षेप कुल गार्हस्थ उत्पादन (जीडीपी) भन्दा २९ प्रतिशत बढी छ । रेमिट्यान्स आप्रवाहको तुलनामा उपभोग र बैंक तथा वित्तीय संस्थाको कर्जा लगानी नबढ्दा वित्तीय प्रणालीमा निक्षेप थुप्रिएको हो ।

नेपाल राष्ट्र बैंकका अनुसार १२ कात्तिकसम्म वित्तीय प्रणालीको कुल निक्षेप ८५ खर्ब २९ अर्ब पुगेको छ । यो निक्षेप जीडीपीभन्दा २९ प्रतिशत धेरै हो । राष्ट्रिय तथ्यांक कार्यालयका अनुसार गत आवको अनुमानित जीडीपी ६६ खर्ब ७ अर्ब छ ।