दशौँ राष्ट्रिय खेलकुदको तयारी तीव्र

सुर्खेत । दशौँ राष्ट्रिय खेलकुद प्रतियोगिता आयोजना हुन अब ३० दिन मात्र बाँकी रहँदा आयोजकले तयारीलाई थप तीव्रता दिएका छन् । प्रतियोगितालाई व्यवस्थित र भव्य रूपमा सम्पन्न गर्ने उद्देश्यसहित आवश्यक पूर्वाधार निर्माण, जनशक्ति व्यवस्थापन तथा स्रोत परिचालनका काम अघि बढाइएको छ ।

शिक्षा तथा खेलकुदमन्त्री सस्मित पोखरेलले प्रतियोगिताको ३० दिने काउन्टडाउनको औपचारिक सुरुवात गर्दै सङ्घीय सरकार, कर्णाली प्रदेश सरकार र वीरेन्द्रनगर नगरपालिकाबीचको सहकार्यमा तयारीका काम भइरहेको जानकारी दिए ।