‘जलवायु परिवर्तनबाट पीडित मात्रै होइन, नेपालले अब नेतृत्व नै लिनुपर्छ’

काठमाडौं- पछिल्ला केही महिनायता नेपालले एकपछि अर्को विपद्को सामना गरिरहेको छ । गत भदौमा भोटेकोशीमा आएको हिमसुनामीको प्रकोप र असोजमा कालीगण्डकीमा आएको बाढीका कारण जनधनको ठूलो क्षति निम्तिएको छ ।

त्यसबाहेक भारी वर्षासँगैको बाढी पहिरोका कारण मुलुकका विभिन्न स्थानमा सडक अवरुद्ध भएका घटना पनि सार्वजनिक हुने गरेका छन् । विज्ञहरु नेपालमा देखिएको पछिल्ला विपद्का घटनामा जलवायु परिवर्तन मुख्य कारक रहेको हुनसक्ने बताउँछन् ।