सरकार र निजी क्षेत्रबिच सहकार्य आवश्यक: मुख्यमन्त्री थापा

बागमती । बागमती प्रदेशका मुख्यमन्त्री किरण थापामगरले सरकार र निजी क्षेत्रबिच सहकार्य आवश्यक रहेकामा जोड दिएका छन् ।

नेपाल उद्योग वाणिज्य महासङ्घ बागमती प्रदेशद्वारा सोमबार हेटौँडामा आयोजित मुख्यमन्त्री तथा मन्त्रीको सम्मान एवं छलफल कार्यक्रममा उहाँले राज्यको समुन्नतिका लागि सरकार र निजी क्षेत्रबिच सहकार्य अपरिहार्य हुने बताए ।