थियेर्नो ब्यारीको निर्णायक गोलमा एभर्टन विजयी

काठमाडौँ । इङ्लिस प्रिमियर लिग फुटबलमा एभर्टनले न्युकासल युनाइटेडमाथि १–० गोलको महत्त्वपूर्ण जित हात पारेको छ ।

नेपाली समय अनुसार मंगलबार सम्पन्न खेलमा एभर्टनको जितमा थियेर्नो ब्यारीले गरेको एक मात्र गोल नै निर्णायक बन्यो । पहिलो हाफ गोलरहित बराबरीमा सकिए पनि दोस्रो हाफको सुरुवातमै ब्यारीले खेलको ४९औँ मिनेटमा गोल गर्दै एभर्टनलाई १–० को अग्रता दिलाएका थिए ।