युक्रेनको मानवीय सहायता केन्द्रमा रुसी बमबारी- २६ जनाको मृत्यु

दक्षिणी युक्रेनको जापोरेजिया क्षेत्रस्थित एक मानवीय सहायता वितरण केन्द्रमा रुसले गरेको भीषण बमबारीमा परी कम्तीमा २६ जनाको मृत्यु भएको छ। युक्रेनी राष्ट्रपति भोलोदिमिर जेलेन्स्कीले आक्रमणलाई अत्यन्तै विभत्स भन्दै कडा शब्दमा निन्दा गरेको बीबीसीले जनाएको छ ।

जापोरेजिया क्षेत्रका प्रमुख माइखाइलो सेमिखिनका अनुसार, कमिसुभाखा गाउँमा कम्तीमा ९ वटा ३ हजार किलोग्राम तौलका हवाई बमहरू खसालिएका थिए। आक्रमणमा ५ जना घाइते भएका छन् भने शुरूमा २७ जना बेपत्ता भएको विवरण प्राप्त भएको थियो।