अमेरिकामा सिनेट नियन्त्रणका लागि आज मतदान, मिशिगनदेखि अलास्कासम्म कडा टक्कर

एजेन्सी । अमेरिकी कंग्रेसको माथिल्लो सदन सिनेटको नियन्त्रण कसको हातमा पुग्नेछ भन्ने छिनोफानो गर्न आज देशभर मतदान भइरहेको छ। सन् २०२६ को यस मध्यावधि निर्वाचनमा ५ करोड ६० लाखभन्दा बढी मतदाताले यसअघि नै अग्रिम मतदान (अर्ली भोटिङ) गरिसकेको भए पनि आज भने विभिन्न राज्यका मतदान केन्द्रहरूमा प्रत्यक्ष मतदान भइरहेको छ। नयाँ सर्वेक्षणहरूले डेमोक्र्याटहरू सिनेटमा बहुमतको नजिक पुगेको देखाइरहेका बेला राष्ट्रपति डोनाल्ड ट्रम्पले विपक्षीले कंग्रेस जितेमा आफूले उनीहरूका हरेक विधेयकमा ‘भिटो’ प्रयोग गर्ने कडा चेतावनी दिएका छन्।

आजको निर्वाचनमा सबैभन्दा बढी चासोको केन्द्र बनेको मिशिगन राज्यमा रिपब्लिकन उम्मेदवार माइक रोजर्स र डेमोक्र्याट उम्मेदवार अब्दुल एल-सईदबीच निकै पेचिलो प्रतिस्पर्धा भइरहेको छ। मतदानको अन्तिम घडीमा डेमोक्र्याटिक सांसद हेली स्टिभेन्सले आफ्नै पार्टीका उम्मेदवारलाई छाडेर रिपब्लिकनका रोजर्सलाई समर्थन गरेपछि त्यहाँको राजनीति एकाएक तरङ्गित बनेको छ। स्टिभेन्सको यो अनपेक्षित कदमले आज मतदान केन्द्र पुगेका मतदाताहरूलाई कति प्रभाव पार्छ भन्ने विषयलाई विश्लेषकहरूले निकै चासोका साथ हेरिरहेका छन्।