महाभियोगमा सत्तापक्षलाई कुर्दै विपक्षी

प्रमुख प्रतिपक्षी नेपाली कांग्रेसको अगुवाइमा सोमबार सिंहदरबारमा बसेको विपक्षी दलहरूको बैठकले संघीय संसद्को अधिवेशन तत्काल आह्वान गर्न सरकारसँग माग गरेको छ।

मनमौजी र अध्यादेशको बलमा शासन चलाउने सरकारको रबैया, प्रेस स्वतन्त्रतामाथिको हस्तक्षेप, न्यायालयको स्वायत्तता, बाढीपहिरोपछिको राहत र उद्धार तथा जनजीविकाका मुद्दामा साझा रणनीति बनाउने निर्णय बैठकले गरेको छ। एमाले र नेपाली कम्युनिस्ट पार्टी (नेकपा) जस्ता वामपन्थी दलहरूले छठ पर्वपछि सडक आन्दोलन चर्काउने तयारी गरेका बेला विपक्षी दलहरूको बैठक भएको हो।