पोखरा-मुग्लिन सडकले फेरिँदै यात्रा

गण्डकी- पृथ्वी राजमार्गअन्तर्गत पोखरा-मुग्लिन सडक स्तरोन्नतिको काम अन्तिम चरणमा पुगेको छ। पूर्वी खण्डको निर्माण पूरा भइसकेको छ भने पश्चिम खण्डको भौतिक प्रगति ८६ प्रतिशत पुगेको आयोजना कार्यालयले जनाएको छ।

पूर्वी खण्ड (जामुने-मुग्लिन) को काम पूरा गरी निर्माण कम्पनीले सडक हस्तान्तरण गरिसकेको छ। उक्त खण्डका इन्जिनियर विष्णुप्रसाद पाण्डेका अनुसार सडक विस्तार तथा स्तरोन्नतिको काम सकिएपछि त्रुटि सच्याउने अवधि (डिफेक्ट लायबिलिटी पिरियड-डिएलपी) सुरु भइसकेको छ।