निजामती अध्यादेश र महाभियोगको समानान्तर तयारी

काठमाडौं । निजामती विधेयक संसद दर्ता भएको अवस्थामा सरकारले तिहार बिदाअघि अध्यादेश ल्याउने तयारी गरेको छ । आगामी बुधबार वा बिहीबार बस्ने मन्त्रिपरिषद् बैठकबाट अध्यादेश राष्ट्रपतिसमक्ष सिफारिस गर्ने प्रधानमन्त्रीको तयारी छ ।

पार्टी सभापति रवि लामिछानेसँगको लामो छलफलपछि सरकार सञ्चालनका गाँठा फुकाउन र सुशासन कायम गर्न असल नियतले गरिने काममा पार्टीको साथ रहने सन्देश पाएपछि प्रधानमन्त्रीको टोली पुनः अध्यादेशको तयारीमा जुटेको हो ।