भवन तयार हुँदा पनि सञ्चालनमा आएन आठपहरिया संग्रहालय

१७ कात्तिक, धनकुटा । धनकुटामा निर्माण गरिएको आठपहरिया संग्रहालयको भवन तयार भए पनि सञ्चालनमा आउन सकेको छैन । भवन निर्माणको काम अधिकांश सम्पन्न भए पनि आन्तरिक व्यवस्थापन, प्रदर्शनी सामग्री संकलन र सञ्चालनको जिम्मेवारी टुंगो नलाग्दा संग्रहालय सञ्चालनमा ढिलाइ भएको हो ।

धनकुटा नगरपालिका–४ स्थित बिहीबारे हटिया नजिक करिब तीन रोपनी क्षेत्रफलमा निर्माण गरिएको दुईतले संग्रहालय भवनमा १० वटा कोठा र एउटा मुख्य हल छन् । परम्परागत शैली झल्काउन भवनको छानो फुसले छाइएको छ ।