७१ अर्बका आइपिओ लाममा

कमजोर वित्तीय विवरण, प्रिमियम मूल्य निर्धारणमा चलखेल, लक-इन अवधि सकिएपछि सेयर बिक्री गर्ने प्रवृत्ति र संस्थागत सुशासनको अभावले प्राथमिक सेयर बजारमाथि प्रश्न उठ्न थालेकाले नेपाल धितोपत्र बोर्ड (सेबोन) ले प्राथमिक सेयर (आइपिओ) निष्कासनमा कडाइ गरेको छ।

आइपिओ निष्कासनलाई कम्पनीहरूले पुँजी जुटाउने महत्त्वपूर्ण माध्यमका रूपमा प्रयोग गर्दै आएको अवस्थामा कम्पनीहरूमा देखिएको बेथिति नियन्त्रणका लागि त्यस्तो कडाइ गरिएको हो।