युरोपका सुपरमार्केटका फ्रिज प्रणालीमा पुनः शृंखलाबद्ध साइबर आक्रमण, खाद्य सुरक्षामा गम्भीर जोखिम

एजेन्सी । युरोपका विभिन्न देशहरूमा रहेका सुपरमार्केटका शीत भण्डारण (रेफ्रिजरेसन) प्रणालीमा पुनः शृंखलाबद्ध साइबर आक्रमण भएको छ ।

ह्याकरहरूले अनधिकृत रूपमा फ्रिज तथा फ्रिजर प्रणालीमा पहुँच बनाई तापक्रम खतरनाक स्तरसम्म बढाउँदा ठूलो परिमाणमा ताजा तथा जमेका खाद्य सामग्री नष्ट भएका छन् । यस घटनाले खाद्य सुरक्षा तथा इन्टरनेटसँग जोडिएका घरेलु तथा व्यावसायिक उपकरणहरूको साइबर सुरक्षा जोखिममाथि गम्भीर चिन्ता उब्जाएको छ ।