शंकर पोखरेलको आरोप : इनम सापकोटा प्रधानमन्त्रीको चुनावी अभियानदेखि नै सक्रिय थिए

नेकपा एमालेका महासचिव शंकर पोखरेलले बिचौलिया इनम सापकोटा प्रधानमन्त्री बालेन्द्र शाहको चुनावी अभियानदेखि नै सक्रिय रहेको भन्दै उनी प्रधानमन्त्री बनेपछि गरेका गतिविधिले गम्भीर आशंका जन्माएको बताएका छन्।

प्रेस चौतारी नेपाल, रुपन्देहीले बुटवलमा सोमबार आयोजना गरेको कार्यक्रममा उनले यस्तो बताएका हुन्। उनले प्रधानमन्त्रीको चुनावी अभियानमा सँगै रहेका सापकोटाका गतिविधि अहिले सार्वजनिक भइरहेकाले उनी राज्यका विभिन्न अंगलाई प्रभावित पार्न परिचालित पात्र त थिएनन् भन्ने प्रश्न उठेको बताए।