‘तापक्रम बढ्दा हिमनदी र हिमवतक्षेत्रमा अपूरणीय क्षति’

विश्वव्यापी तापक्रम वृद्धिलाई १.५ डिग्री सेल्सियसमा सीमित राख्न नसकिए हिमनदी, विशाल हिमक्षेत्र, मौसमी हिउँ र जमेको जमिनमा व्यापक र अपूरणीय क्षति पुग्न सक्ने चेतावनी दिइएको छ।

यस्तो क्षतिले पानीको सुरक्षा, हिमाली समुदायको जीवनयापन र पारिस्थितिक प्रणालीमा शताब्दीयौंसम्म असर पार्न सक्ने निष्कर्ष निकालिएको छ। अन्तर्राष्ट्रिय क्रायोस्फियर क्लाइमेट इनिसिएटिभ (आइसिसिआई) ले संयुक्त राष्ट्रसंघीय वातावरण कार्यक्रम (युनेप) को समन्वयमा सोमबार सार्वजनिक गरेको ‘ओभरसुट एन्ड द क्रायोस्फियर : अवर्टिङ ग्लोबल मेल्टडाउन’ प्रतिवेदनले तापक्रम १.५ डिग्रीभन्दा माथि पुगेपछि फेरि उक्त सीमामा झारिए पनि हिउँ र जमेको जमिन पग्लिने क्रमबाट उत्पन्न ठुलो असर पुस्तौंसम्म कायम रहने चेतावनी दिएको हो।