जिल्ला प्रशासन कार्यालय ताप्लेजुङद्वारा सडकको भाडादर निर्धारण, कति तोकियो ?

जिल्ला प्रशासन कार्यालय ताप्लेजुङले जिल्लाभित्र रहेका पक्की तथा कच्ची सडकमा सञ्चालन हुने बस, मिनीबस, हाइस, जीप र सुमोका लागि भाडादर निर्धारण गरी कार्यान्वयनमा ल्याउन कोशी प्रदेश सरकारसमक्ष सिफारिस गरेको छ।

निर्धारण भइ कोशी प्रदेश सरकारसमक्ष सिफारिस भएको भाडादर बढी भएको भन्दै भाडादर सम्बन्धी निर्णयको आलोचना भने हुन थालेको छ। प्रमुख जिल्ला अधिकारी उमेशकुमार दाहालका अनुसार जिल्लाका ९ पालिका र सदरमुकाम फुङलिङसम्मको भाडादर निर्धारण भएको हो।