​गैरस्थायी शिक्षकहरूद्वारा संयुक्त आन्दोलनको घोषणा, सरकारलाई सहमतिका बुँदा कार्यान्वयन गर्न अल्टिमेटम

काठमाडौं, कात्तिक १७ । नेपालको सार्वजनिक विद्यालय शिक्षामा वर्षौंदेखि कार्यरत राहत, अस्थायी, करार, संघीय शिक्षा-सिकाइ अनुदान, साविक उच्च माध्यमिक तह (कक्षा ११–१२), प्राविधिक धार तथा विशेष शिक्षा लगायतका विभिन्न नाममा कार्यरत शिक्षकहरूले संयुक्त रूपमा आन्दोलनको घोषणा गरेका छन्।

मंगलबार रिपोर्टर्स क्लब,नेपाल काठमाडौंमा चार संगठनले संयुक्त पत्रकार सम्मेलनको आयोजना गर्दै आफ्ना पेसागत सुरक्षा, सेवाको निरन्तरता र विगतका सहमतिका बुँदाहरू कार्यान्वयन गराउन भन्दै चरणबद्ध आन्दोलनका कार्यक्रमहरू सार्वजनिक गरेको हो।