रिजाल क्यानिङ जग्गा प्रकरण : पूर्वप्रधानमन्त्री नेपाल र पूर्वमन्त्री रिजालविरुद्ध ७३ करोडको भ्रष्टाचार मुद्दा दायर

काठमाडौं : अख्तियार दुरुपयोग अनुसन्धान आयोगले हदबन्दी छुटको बहुमूल्य सरकारी जग्गा सट्टापट्टाका नाममा गैरकानुनी रूपमा बिक्री गर्न दिएको अभियोगमा तत्कालीन प्रधानमन्त्री माधवकुमार नेपाल र तत्कालीन मन्त्री डा. मिनेन्द्रप्रसाद रिजालसहित ९७ जनाविरुद्ध विशेष अदालतमा भ्रष्टाचार मुद्दा दायर गरेको छ।

आयोगले तत्कालीन मन्त्रिपरिषद्का पदाधिकारी, उच्चपदस्थ कर्मचारी, कम्पनीका सञ्चालक तथा बिचौलियाहरूलाई विपक्षी बनाउँदै ७३ करोड ४९ लाख ५६ हजार रुपैयाँ बिगो, कैद र जरिवानाको मागदाबीसहित मंगलबार आरोपपत्र दायर गरेको हो।